Pas përfundimit të kampionatit klubet morën pushimet për disa ditë. Tashmë ata po fillojnë nga puna me projektet dhe idetë e reja. Këtë gjë ka bërë edhe Vllaznia.
Kuqeblutë para disa ditësh zyrtarizuan në krye të pankinës trajnerin, Migen Memelli. Pas kësaj Vllaznia ka bërë dhe disa lëvizje në merkato me afrimet dhe largimet. Sot ata kanë zhvilluar seancën e parë stërvitore prag ndeshjeve të Conference League.
Nëpërmjet një postimi në kanalin e tyre zyrtar në Facebook, klubi ka bërë të ditur lajmin. Ndër të tjera ata kanë treguar dhe axhendën me të cilën do të vijojnë përgatitjet. Kuqeblutë njoftojnë se 10 ditë do të qëndrojnë në qytetin e Shkodrës dhe më pas do të vijojnë jashtë vendit.
Postimi i plotë i KF Vllaznia:
Kuqeblutë pas disa ditësh pushimi, sot pasdite i janë rikthyer sërish procesit stërvitor duke zhvilluar seancën e parë nën drejtimin e stafit teknik me në krye trajnerin Memelli. Ekipi do të stërvitet për një periudhë 10 ditore në Shkodër, para se të largohet jashtë vendit për fazën përgatitore.
Lexo gjithashtu
