Partizani luajti dje kundër Bate Borisov, ndeshje e vlefshme për turin e parë të Champions League. Kjo sfidë përfundoi me rezultatin 1-1 dhe interesi ishte i madh për të ndjekur debutimin e trajnerit Zoran Zekiç në krye të pankinës së kuqe. Në këtë sesion të merkatos verore daljet kanë qenë me “pikatore” në klubin e Partizanit.
Megjithatë hendeku në mesfushë ishte i dukshëm. Mungesa e Massanga Matondos, i cili nuk pranon të kthehet në kryeqytet megjithëse ka kontratë ende me kampionët e Shqipërisë, ka krijuar paqartësi në repartin e mesit të fushës. Mbrëmë, cilësitë e tij mund të ndihmonin më shumë 17 herë kampionët e vendit.
Edhe analistët ishin të të njëjtit mendim. Megjithatë afrikani duket se e ka ndarë mendjen dhe nuk do të kthehet më në kryeqytet. Ai ka edhe 1 vit kontratë me Partizanin dhe në këtë mënyrë rrezikon seriozisht t’i japë një shkelm të madh karrierës së tij. Kjo nuk është hera e parë që kapriciot e afrikanëve kanë trazuar “ujërat” në klubet shqiptare të futbollit.
Lexo gjithashtu
