Portugalia e yjeve arriti me vështirësi të kalonte fazën e grupeve duke u renditur e treta në grup me tre barazime. Ronaldo dhe shokët e tij të skuadrës ishin në rrezik për kualifikimin deri në momentet e fundit të ndeshjes me Hungarinë. Barazimi i çmendur 3-3 me dy gola të Ronaldos tregoi edhe njëherë tjetër sesa skuadra iberike i falet lojës së yllit të madridit.
I të njëjtit mendim është edhe legjenda e futbollit argjentinas Armando Maradona. Ai është shprehur se loja e Portugalisë është e përgjysmuar nëse forma e Ronaldos nuk është ajo e duhura.
‘’Portugalia varet shumë nga Kristiano Ronaldo. Ai ishte i jashtëzakonshëm kundër Hungarisë, por ata bëjnë një lojë të përgjysmuar nëse forma e tij nuk është ajo e duhura. Ndeshja me Portugalinë do tregojë se ata janë një përfaqësuese e dobët. Ronaldo do të ketë hapësirën e tij në sulm po Portugalia ka lënë shumë hapësira në mbrojtje dhe mesfushë. Tani janë të ndaluara gabimet dhe Kroacia do të dijë ti shfrytëzojë këto hapësira. Kroatët e fillojnë ndeshjen si favorite’’, ka deklaruar ndër të tjera Maradona.
Ndeshja mes Portugalisë dhe Kroacisë do të luhet sonte në mbrëmje në orën 21:00.
