Ditën e sotme janë luajtur të gjitha ndeshjet e javës së 29-të të kampionatit të Maqedonisë së Veriut. Në këto 6 sfida të kësaj jave u shënuan plot 23 gola.
Ernest Gjoka debutoi me fitore si trajner i Shkupit duke fituar me rezultatin 3-2 kundër Tikves. Në ndeshjen tjetër, derbin e shqiptarëve, Shkëndija fitoi pa probleme 4-1 përballë Gostivarit.
Në sfidat e tjera të kësaj jave, Voska Sport triumfoi 4-0 në shtëpi përballë Bregalnica Stip, ndërsa Struga u mposht 2-3 nga Sileks. Në krahun tjetër, Brera Strumica fitoi 2-0 me Vardarin dhe Rabotnicki barazoi 1-1 kundër Makedonija GP.
Me këtë fitore dhe duke përfituar nga humbja e Strugës, Shkupi barazon me pikë në vendin e parë ekipin e Shpëtim Duros, me të dyja ekipet që kanë nga 58 pikë. Në krahun tjetër, Shkëndija mbetet në vendin e 3-të me 55 pikë, ndërsa Gostivari me 37 të tilla, renditet i shtati.
Lexo gjithashtu
