Kukësi dhe Partizani përballen sot në 15:00 për javën e pestë të Superligës. Sfida e shtëpisë është komentuar edhe nga presidenti i nderit të Kukësit, Safet Gjici.
Me tone të ashpra ka folur Gjici, që i kujton lojtarëve mos shëtisin fanellën pasi do ketë masa, duke mos u lënë as të jetë në stadium. Ushtarë dhe jo gjeneralë kërkon Gjici, që do 11 luanë në fushë.
“Ulni kokën dhe punoni. Jepni 100% për të cilin paguheni dhe justifikoni pagën dhe punët të ecin normalisht. Kur vijnë fitoret, ka stabilitet. Lojtarët profesionistë duhet ta mbajnë mendjen si ta fitojnë ndeshjen, të futen si ushtarë e të dalin si gjeneralë dhe jo e kundërta. Nuk pranoj asnjë justifikim, duam fitoren. Nuk ka lidhje presioni. Ju keni vetëm një punë, që të luani futboll, që të fitoni ndeshjen, klubi ka detyrimin tu paguajë.
Ultimatumi - Dua të shoh 11 luanë në fushë dhe nëse shoh ndonjë që sillet në fushë kot, do dërgoj njeri te trajneri do i them ma zhduk mos ta shoh dhe në stadium herës tjetër. Nuk do të ketë asnjë tolerim.
Kush dënon ekipin me dashje, do të zbatohet rregullorja siç është firmosur një më një. Trajneri ka të drejtë ta ndëshkojë secilin si nga ana sportive dhe me gjobë. Mund ta çojë në stol, më pas në stadium. Kushdo qoftë ai lojtar. Ne nuk kemi Mesin dhe Ronaldon. Ne kemi plotësuar çfarë është kërkuar. Ne tani duam rezultat, duam pikët dhe besoj se trajneri nuk është i ri në moshë se është 47 vjeç, është ish-sportist, por trajneri është fuqi plotë. Kujdes lojtarë, mos mendoni se do bëni si doni ju. Fjala e trajnerit te ju është ligj dhe këtë e di një lojtar profesionist”, tha Gjici mes të tjerash.
Lexo gjithashtu
