Lajmi i publikuar në mediat turke për transferimin e Jahmir Hykës në Turqi ka marrë një kthesë të fortë. Mesfushori i kontaktuar nga newsport.al ka mohuar mundësinë e transferimit të tij tek Kayserispor. “Nuk është e vërtetë që do të transferohem në Turqi. Jam në kontratë me skuadrën e Luzernës dhe gjërat po shkojnë mjaft mirë këtu. Më kanë informuar për këtë lajm të publikuar në mediat turke por nuk është e vërtetë”, ka qenë kjo ajo çfarë Hyka ka thënë.
Ndërkohë në krahun tjetër burime të afërta pranë tij tregojnë se vetë lojtari nuk dëshiron të zbulojë detaje nga transferimi i bllokuar të cilin ai vetë ka dashur të realizohet. Hyka dhe Kayserispor kanë gjetur parimisht akordin por në këtë moment është futur në skenë klubi zvicerian. Luzerna mësohet të ketë kërkuar më tepër se 500 mijë euro për kartonin e lojtarit dhe tratativa është bllokuar. Të njëjtat burime për newsport.al tregojnë se nesër drejtues të lartë të Kayserispor do të takojnë drejtues të Luzernës për të vendosur nëse do të realizohet si transferim apo do të mbyllet përfundimisht si tratativë.
Lexo gjithashtu
