Lushnja me uljen në stol të Klevis Dalipit ka nisur vrullshëm edhe merkaton. Drejtuesit kërkojnë të ofrojnë lojtarë cilësorë në mënyrë që të bëhet diferenca në Kategorinë e Parë. Lushnjarët kërkojnë që të largohen menjëherë nga zona e ftohte dhe të luftojnë për zonën play-off për Superioren.
Dhe për ta bërë diçka të tillë drejtuesit kanë afruar lojtarë të njohur. Në radhët e jeshiltëve është rikthyer mesfushori 22-vjeçar, që pjesën e parë të sezonit mbajti veshur fanelën e Turbinës. Bëhet fjalë për Fabian Blakçorin, i cili ka nisur stërvitjen me pjesën tjetër të skuadrës nënurdhrat e Dalipit.
Një tjetër afrim cilësore konsiderohet edhe “grabitja” te skuadra e Egnatias. Skerdilajd Levendi është larguar nga rrogozhinasit dhe tashmë do të luajë në Kategorinë e Parë për llogaritë e Lushnjës.
Ish-lojtari i Egnatias pritet t’i bashkohet skuadrës gjatë ditëve në vijim, pasi tashmë gjithçka mes palëve është arritur, me 21-vjeçarin që shton kështu alternativat në mesin e fushës për Dalipin.
Lexo gjithashtu
