Sot, në orën 14:00, Kamza do të presë në shtëpi Lushnjen për të luajtur takimin e javës së dymbëdhjetë të Superligës. Që të dyja skuadrat u ngjitën këtë vit në kategorinë Superiore dhe sot është disa e së vërtetës, pasi të dyja ekipet kanë mundësinë të tregojnë forcën në përballje direkte.
Edhe pse duhet thënë që Kamza është treguar më e fortë, kjo bazuar dhe në renditjen në tabelën e klasifikimit, sot një tjetër avantazh në favor të kamzalinjve është fakti që ndeshja luhet në shtëpinë e tyre dhe mbi të gjitha kanë në krah tifozët, të cilët do mbështesin ekipin e tyre.
Kjo gjë nuk e tremb Lushnjen, e cila i ka objektivat e qarta, mbi të gjitha sot, pasi kërkon patjetër një rezultat pozitiv nga kjo sfidë. Gjithçka pritet të zbulohet pas përfundimit të takimit, për të kuptuar se cila nga skuadrat më të reja të Superligës është më e fortë në përballje direkte dhe për të kuptuar nëse vertet Kamza është "hirushja" e kampionatit për këtë vit ashtu sikurse flitet.
Lexo gjithashtu
