Abissnet Superiore do të zhvillojë ditën e sotme 3 takimet e tjera të javës së 20-të. Gjithçka do të nisë në orën 13:00 në Kamëz, ku Kastrioti pret Erzenin. Një duel mjaft interesant mes dy ekipeve që kërkojnë 3 pikët. Krutanët për mbijetesën ndërsa nga krahu tjetër shijakasit për europën.
Teuta-Bylis do të startojë në orën 16:00 dhe do të zhvillohet në “Niko Dovana”. Ky është një takim për mbijetesë, ku të dyja ekipet do të japin maksimumin për të siguruar fitoren. Ballshiotët vijnë pas 2 fitoreve radhaz, ndërsa durrsakët pas humbjes me Laçin.
Supersfida mes Vllaznisë dhe Kukësit do të luhet në “Loro Boriçi” duke nisur që nga ora 16:00. Dy ekipet premtojnë spektakël, me verilindorët që janë më të motivuar se kurrë për të siguruar një tjetër fitore të rëndësishme. Ndërkohë nga krahu tjetër shkodranët vijnë pas 2 humbjeve radhaz dhe sot kërkojnë rikthimin te fitorja.
Lexo gjithashtu
