Java e 12-të e “Abissnet Superiore” u shty për shkak se disa lojtarë të ekipeve janë të angazhuar ke kombëtaren për miqësoren me Katarin që do të luhet më 9 nëntor në Spanjë.
Por tashmë është përcaktuar se kur do të luhen ndeshje. Të gjitha do të zhvillohen në një orar duke nisur që nga ora 13:00, porn ë 3 ditë të ndryshme, më 12, 13 dhe 14 nëntor.
Gjithçka do të nisë ditën e shtunë me përballjen mes Tiranës dhe Vllaznisë që do të luhet në “Selman Stërmasi”, ndërsa cilësohet si supersfida e kësaj javë. Po këtë ditë do të luhet edhe dueli mes Egnatias dhe Laçit.
E diela ka rezervuar gjithashtu dy përballje. Partizani për herë të parë këtë sezon do të luajë në kompleksin e tij ndaj Bylisit, teksa në Kamëz, Kastrioti do të presë Kukësin.
Ndeshja e fundit që do të mbyllë edhe siparin e kësaj javë është derbi mes Erzenit dhe Teutës që do të luhet në “Arena Egnatia” për shkak se në “Niko Dovana” po mbillet bari.
Lexo gjithashtu
