Pas barazimit 1-1 ndaj Luftëtarit, trajneri i Partizanit, Sulejman Starova deklaroi: "Edhe në letër e quanim të vështirë Luftëtarin. Kam një dyshim për rastin e Torasës në pjesën e parë që mund të ishte edhe një 11-metërsh për ne. Luftëtari është një skuadër simpatike dhe na vendosi në vështirësi.
Gjithsesi, pas golit tonë të barazimit, kishim mundësi për të shënuar sërish dhe për ta fituar.
Kjo ishte një nga ndeshjet tona më të bukura që kemi bërë në këtë sezon, kundër një Luftëtari që ka ekip shumë të fortë dhe një publik të zjarrtë që ta vështirëson shumë misionin për të fituar.
Rreshtimi me tre mbrojtës? Gabuam vetëm në rastin e pësimit të golit, por kjo skemë ishte efikase. Skuadra nuk vuajti nga ky lloj rreshtimi duke neutralizuar lojtarët më të mirë të Luftëtarit. Ne dominuam ndaj skuadrës gjirokastrite dhe nuk ma do mendja se do ta bëjë ndonjë kundërshtar tjetër një gjë të tillë kundër Luftëtarit në këtë fushë", deklaroi për Supersport, trajneri i Partizanit, Sulejman Starova.
Lexo gjithashtu
