Luciano Moggi nis bashkëpunimin me klubin Partizanit. Ish-drejtori i Juventusit ka firmosur një marrëveshje me presidentin e klubit të kuq ditën e sotme.
Moggi do të jetë në rolin e këshilltarit të presidentit Gaz Demi në klubin e Partizanit.
Prezantimi i tij para mediave do të bëhet në ditët në vijim. Ish-drejtori i Juventusit ka qenë ditën e sotme në një takim me presidentin e Partizanit, Gaz Demin teksa kanë mbyllur me sukses marrëveshjen për një bashkëpunim mes tyre.
Moggi që prej 2006-ës nuk është përfshirë më nëpër struktura të brendshme të klubeve të futbollit. Direkt pas skandali të "Caliciopoli-t" kur Juventusi u dënua me rrëzimin në Serinë B, ish-drejtori i klubit italian u përjashtua nga futbolli.
Gjithsesi, ai asnjëherë nuk e ka pranuar se ka qenë i përfshirë në skandalin e blerjes së arbitrave, apo shit-blerjeve të ndeshjeve në Serinë A.
Ndërkohë që ditën e nesërme, Moggi do të jetë prezent në "Selman Stërmasi" për të ndjekur derbin Tirana-Partizani, në shoqërinë e drejtuesve të klubit të kuq.
Lexo gjithashtu
