Partizani fitoi 4-0 me Kastriotin për javën e 35 në Superligë. Gjashtë muaj në drejtimin e Demave, Dritan Mehmeti tregon se nuk e besonte Europën. Në Sport News, trajneri i Partizanit ka dhënë se ka komunikim të shpeshtë me presidentin Demi, duke dhënë sinjale pozitive për të ardhmen.
“Nga mënyra si nisi kampionati, për vetë presidentin dhe atë që financon, e nis për kampion. Është klubi dhe financimi i tij. Kemi bërë një punë të mirë. Ashtu si nisi kampionati, kemi një objektiv minimal. Nga investimi që ka bërë klubi, ky është një objektiv minimal.
Rinovimi – Kam një kohë të gjatë dhe marrëdhënie të sinqertë, do ulem me presidentin dhe do flas. Nuk e përcaktoj dot tani.
Europa – Duke parë skuadrën dhe kur e mora, nuk e kam menduar se do arrijmë në Europë. Solla qetësi në ekip, menaxhuam dhe përgatitëm ndeshjen e radhës. Ishte ana psikologjike dhe qetësia ajo që na sollën këtu. Nuk kishim trysninë e rezultateve dhe s’e kaluam te lojtarët.
Ndeshja e fundit – Komunikoj me Demin, më uron i pari për objektiva. Më ka mbështetur edhe kur nuk kemi pasur rezultate, është pozitiv për moralin dhe korrekt. Nuk futet te pjesa teknike. Kam gjashtë muaj dhe e kam takuar 3-4 herë, pas ndeshjeve kemi komunikuar më shumë.
Nga presidenti dhe drejtori nuk kam pasur presion për objektivin. Kur merr një ekip si Partizani, duhet ta dish se kë objektiv edhe kur nuk ta thonë.
Peng – Po, ndeshjen me Vllazninë në Kupë dhe eleminimi. Kishim disa mundësi për të mbyllur ndeshjen, jo nga largimi me penallti.
Tirana festoi në derbi – Një trajner duhet të jetë profesionist. Në derbi ndikon edhe sesi e interpretojnë tifozët. Në derbin e humbur, më mbeti peng. Ishim në avantazh, na erdhi një herë dhe barazoi me Seferin. Pjesën e dytë, Totre me klasin e tij falë gabimeve tona na ndëshkoi. Mos harroni edhe pjesën e arbitrave. Ishin dy penallti për ne.
Të fitosh deri është maja e futbollit shqiptar. Kam kohë të shkurtër si trajner i parë, kam qenë me Gegën si zëvendës por nuk kontrollohen emocionet. Aq më shumë si e interpretoi Skuka
Lojtarët – Është viti i parë që kemi pasur largime, edhe në janar po. Çdo skuadër do i ketë këto. Kur largon 10 futbollistë në verë, është e vështirë. Lojtarët fitohen gradualisht, na ikën në verë gjithë pjesa e sulmit. Asani, Telushi, Trashi, Bardhi.
Kemi diskutuar për rinovimet. Nuk mund ta mbanim Asanin kur kishte atë ofertë nga jashtë. Olsi Rama shikon më shumë interesat e lojtarëve. Nuk gjenden lehtë lojtarët për t’i zëvendësuar.
Iku Hoxhallari nga Tirana, është shumë e vështirë të godasësh te tregu. Ka rënë cilësia vitet e fundit në treg.
Kaçe, Kallaku – Po flas për Sherifin. Kaçe e kishte zgjidhur të ikte para se të vija unë. Kallaku ka pasur peripeci fizike, ka pasur problem shëndetësor në mushkëri, kjo i ka ndikuar. Ka mbetur pas fizikisht dhe më pas e kishte të vështirë për rritmin. Duke mos qenë mirë, nuk u përshtat. Modulin e skuadrës e kam ndryshuar për t’i marrë më të mirën atij.
Skuka – Kam vënë veton për të. Më pëlqen i thashë drejtorit, e morëm. Ka nevojë të rritet më shumë, ka cilësi. Është tipik sulmues kryesor paçka se e bën wingerin. Probleme taktike ka, duhet sinkronizimi. Duke qenë në ligë inferiore janë këto mangësi. Në Superiore ka të tjera cilësi. Për të ardhmen e tij nëse ka oferta, duhet të flitet me drejtuesit.
Hoxha – Ndarja me të do jetë e vështirë. Nuk e kam diskutuar. S’ka ikur as në kulmin e tij. Duhet të pyesni klubin, nuk kam folur as me Hoxhën.
Sot menaxherët ndikojnë edhe në pozicionin e lojtarit në fushë, i thonë të jesh egoist. Për ne trajnerët, këta menaxherët mos i shihnim fare. Mora Partizanin dhe kisha një lojtar, ata nga jashtë. Mbrojtësi i majtë që erdhi nga Brazili nuk ishte as në nivelin e Hadroj. Unë besova te Hadroj dhe nuk doli keq”, tha Mehmeti.
Lexo gjithashtu
