Teuta mori një pikë përballë Bylisit në Ballsh duke mbajtur portën e paprekur dhe kjo, padiskutim, falë pritjeve fantastike të portierit Pano Qirko. Vlonjati ishte i pakalueshëm ditën e sotme duke i mohuar festën e golit ballshiotëve. Pas ndeshjes, Qirko foli për mikrofonat e Oversport.
“Kam pasur një dëmtim te kofsha dhe më vjen mirë që u riktheva me një ndeshje pozitive. Pritja e Beji ishte më e vështira për një portier pasi ishte poshtë por të gjitha pritjet për një portier janë të rëndësishme pasi ndikojnë te rezultati. Detyra e portierit është të mbajë 0 prapa.
Skuadra është nën presion rezultati dhe ndikon në lojë. Mund të kishim fituar me pak fat por ne duhet punojmë shumë. Kemi folur dhe me cunat por është ai bashkimi që bën fuqinë dhe besoj se në javët në vijim do të jemi të bashkuar për të marrë një rezultat pozitiv.”- u shpreh Qirko.
Lexo gjithashtu
