Përpara supersfidës së kësaj jave mes Vllaznisë dhe Partizanit, tekniku i të kuqve Giovanni Colella ka folur në konferencën për shtyp. Takimi luhet nesër në “Loro Boriçi” në orën 17:00 dhe është shumë e rëndëisishme për garën për titull. Partizani fitoi një javë më parë me Tiranën në derbi 2-0 dhe kjo fitore i ngjiti në vend të parë me pikë të barabarta me Tiranën. Vllaznia nga ana tjetër renditet e treta pas dyshes së kryeqytetit dhe është e gatshme të përfitojë prej tyre. Colella e njeh rrezikun që paraqet ndeshja e nesërme aq më tepër që është në transfertë dhe shkodranët janë shumë të fortë në shtëpinë e tyre. Takimi i fundit mes dy skuadrave ka qenë për Kupën e Shqiprësië dhe Vllaznia e fitoi atë takim 3-1.
“Nuk është se kemi vuajtur vetëm kundër Vllaznisë, edhe ndaj Laçit”,shprehet Colella.
“Është një problem që kemi pyetur veten disa herë dhe që jemi munduar të përmirësohemi, por nuk ka një arsye të vetme që bën mirë apo bën keq.
Pikët e lëna me skuadrat e dobëta?
Cilat janë skuadrat e forta dhe të dobëta?! Të gjithë po vuajnë me to. Meqë jemi brenda 6 pikësh pak a shumë, do të thotë të gjithë pak a shumë kanë pasur rrugëtimin tonë. Jemi të gjithë aty. Ndaj do të thotë që në këtë kampionat të gjithë kanë ecur në të njëjtën mënyrë.
Tirana për shembull ka humbur 2-3 herë me të fundit në klasifikim. Janë gjëra që ndodhin dhe pikë, ndërsa ka momente që bën mirë. Pastaj kjo puna e skuadrave më të forta e të dobëta, në këtë kampionat nuk pranohet kjo shprehje. Kukësi fitoi sot dhe është 6 pikë pas nesh. Ecuria ka qenë e njëjtë për të gjitha skuadrat. Teuta ishte e fundit përpara 10 javësh dhe ne humbëm ndaj tyre ndërsa tani po ngjitet ndjeshëm në renditje.
Si e prisni vazhdimësinë e skuadrës pas fitores në derbi?
Për momentin shpresoj vetëm që të bëjmë një ndeshje të mirë ndaj Vllaznisë, të tjerat nuk më interesojnë.
Prisni nga lojtarët e tjerë të njëjtin reagim siç dhuroj Cara në derbi?
Unë mendoj se lojtarët paguhen për të luajtur. Janë profesionistë dhe gjithmonë duhet të japin 100% të asaj që i kërkohet dhe unë jam ai që vendos çfarë i kërkohet. Secili bën punën e tij. Absolutisht është e drejt që një lojtar i cili nuk e nis ndeshjen titullar mund të mos jetë i kënaqur. Do të preokupohesha më shumë po të ishte i kënaqur. Pastaj nëse bëjnë siç bëri Cara në derbi ,apo edhe të tjerët në situata të tjera, hyjnë dhe japin 150% të tyre edhe në 5 minuta, unë jam i lumtur. Kjo është e vetmja mënyrë për të bindur trajnerin që ka gabuar”, ka përfunduar italiani.
Lexo gjithashtu
