Pas humbjes ndaj Laçit, te Partizani kanë ndodhur shumë ndryshime dhe janë marrë shumë vendime të cilat në njëfarë mënyrë kanë ndikuar drejtpërdrejt te lojtarët dhe stafi teknik. Newsport.al, para pak ditësh publikoi masat që mund të merreshnin ndaj lojtarëve të Partizanit, që ishte një gjobë prej 4 mijë eurosh për secilin futbollist, në rast se ekipi nuk arrin të grumbullojë 7 pikë në tre takimet e radhës.
Sfidën e parë ndaj Kukësit e fituan "Demat e Kuq", që përkthehet në tre pikë të grumbulluara. Takimi i radhës do të jetë ndaj Skënderbeut, që do të luhet ën datën 27 nëntor, ndeshje e rëndësishme, pasi në rast se Partizani nuk merr qoftë dhe një pik nga ky takim, rezultatin e kërkuar nga drejtuesit e klubit nuk mund të rikuperojnë në ndeshjen e tretë që e luajnë ndaj Lushnjes.
Në këto kushte, Skënderbeu ka në dorë lojtarët e Partizanit, të cilët duhet të marrin patjetër një rezultat pozitiv, në rast se nuk duan që masat e paralajmëruara pak ditë më parë të aplikohen ende pa u luajtur ndeshje e tretë, me të cilën nuk mund të arrijnë objektivin në rast se thyhen nga korçarët në datën 27 nëntor
Lexo gjithashtu
