Hapësire reklamuese

Çështjet kryesore

ARKIVA

Intervista/ Lilaj zgjedh pasardhësin e kapiten Shkëmbit te Skënderbeu

Shkruar nga NEWSPORT

l4Mesfushori i skuadrës së Skënderbeut, Sabjen Lilaj, në një prononcim për newsport.al ka rrëfyer të gjitha të vërtetat për bardhekuqtë e Korçës, duke sqaruar se si qëndron e vërteta mbi shiritin e kapitenit, ç’pretendime kanë këtë vit kampionët në fuqi të vendit dhe a do t’ia dalin të triumfojnë për të shtatën herë. Lila ka zbuluar dëshirën e tij që ka për të ardhmen, duke lënë të hapur mundësinë për largimin nga klubi korçar. 27-vjeçari është shprehur edhe për largimin e teknikut Josa dhe ardhjen e teknikut italian në skuadër.

-Sabien flitet se do të jesh ti kapiteni i ri i Skënderbeut?

Jo, jo kapiteni është Shehi dhe nuk ka asnjë lloj diskutimi mbi këtë temë.

-Si po ecën faza përgatitore në Austri?l3

Faza përgatitore po ecën mirë. Jemi duke punuar nga dy herë në ditë sepse koha nuk është e mjaftueshme deri në datë 13 korrik, por besoj se do të jemi gati sepse kushtet këtu janë ideale.

-Beson se do të fitoni në CAS për të luajtur në Champions? 

Sigurisht që po. Po të mos besonim nuk do të ishim këtu duke u stërvitur dhe duke i bërë hyzmetin kësaj ndeshjeje.

-A të duket i kalueshëm Ferencvaroshi në Champions?

Është një ekip shumë i fortë dhe duhet vlerësuar maksimalisht, por kjo nuk do të thotë se i kemi frikë. Ne do të bëjmë më të mirën tonë siç kemi bërë gjithë vitet e fundit, kështu që unë kam shumë besim se do të kalojmë.

-Pas gjashtë titujve është e vështirë të motivoheni për të fituar trofeun e shtatë?

Normal që ka një lloj vështirësie , po besoj që afrimi i trajnerit dhe lojtarëve të rinj që janë bërë pjesë e ekipit do të shërbejë për mirë në këtë aspekt.

[caption id="attachment_11705" align="alignleft" width="300"]l5 Sabjen Lilaj me Kombëtaren Shqiptare[/caption]

-Ke hequr dorë nga aventurat jashtë vendit? Do të qëndrosh në Korçë?

Unë kam dhe dy vjet kontratë me Skënderbeun, kështu që është në dorë të klubit nëqoftëse do më lejojë të largohem ose jo. Dëshira vazhdon të qëndrojë për një kampionat më të fortë, por të shohim.

-Janë larguar senatorët Shkëmbi, Vangjeli, Arapi, Progni. Kush e merr stafetën në skuadër?

Është e vërtetë që janë larguar shumë lojtarë të rëndësishëm, por edhe një trajner shumë i mirë. Do të duhet një punë e madhe për t’i zëvendësuar. Në ekip ka shumë lojtarë me cilësi të mira që besoj se do të bëjnë po aq mirë sa në këtë sezon.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga