Kukësi mori një fitore shumë të rëndësishme përballë Bylisit në shtëpi. Golat e Rashitit dhe Taipit i dhanë tre pikë verilindorëve që tani janë plot 6 pikë larg zonës së rënies dhe hedhin një hap shumë të madh për vazhdimësinë e sezonit. Pas ndeshjes, për mikrofonat e Oversport, foli autori i golit dhe kapiteni i ekipit Gjelbrim Taipi.
"Kur merr tre pikët është ndjenjë e bukur sidomos me një kundërshtar që kemi qenë në fund të tabelës. Tani kemi lënë pas ata, kur arrin të shënosh një gol është kënaqësi më vete sepse të rritet besimi. Me trajnerin njifemi prej tre vitesh, unë mundohem të ndihmoj të rinjtë pasi ka cilësi. Futbollistët po arrijnë të shfaqin vlerat e tyre.
Me ardhjen e Hallacit më është dhënë një pozitë që nuk e kam luajtur më parë, luaj si 10-sh dhe barra i bie Shqiprimit dhe Abdou në mesfushë por ata po ja dalin mirë. Unë kam më shumë pjesën ofensive, vertikalizimet dhe gjuajtjet në portë.
Nuk jam nervozuar me arbitrat në aspektin personal apo individual pasi kur bën një gabim arbitri është njerëzore. Por kur shoh gjëra tendeciozë nuk më pëlqen. Për kundërshtarët unë nuk ngacmoj njeri por askush nuk e ka atë luksin të më godasi. Nuk e kam personale me askënd.
Të dy golat janë të bukur por duhet ta duash më tepër golin tënd kështuqë mendoj se ishte pak më i bukur i imi. Komplimenta edhe për Rashitin."- tha Taipi.
Lexo gjithashtu
