Kur do dhe pak ditë që merkatoja e janarit të mbyllet zyrtarisht, klubet e kampionatit shqiptar, kryesisht ato të Superligës, po bëjnë bilancet e fundit për të kuptuar nëse gjithçka ka shkuar ashtu siç ishte planifikuar lidhur me hyrje-daljet e janarit.
Diçka të tillë po bën dhe Partizani, ku drejtuesit e klubit duket se ende nuk janë kënaqur me afrimet e reja. Edhe pse deri tani janë afruar tetë futbollistë të rinj, ka ende shpresë se lëvizje të reja mund të ndodhin.
I çuditshëm është fakti se të kuqtë ende nuk kanë zyrtarizuar Besat Abdurrahimin edhe pse marrëveshja thuhet se është arritur. Ndërkohë që "Demat e Kuq" janë hedhur në sulm për afrimin e një tjetër sulmuesi, kjo për të përforcuar repartin e sulmit edhe pse Edgar Çani ka dhënë siguri se do të jetë i gatshëm për pjesën e mbetur të kampionatit.
Lexo gjithashtu
