Teuta barazoi në shtëpi pa gola përballë Kukësit. Në ndeshjen e vlefshme për javën e 6-të të Superiores, Teuta nuk mori më shumë se barazimi 0-0.
Pas kësaj sfide për mikrofonat e MCN TV, foli mesfushori i Teutës, Ledio Beqja.
“Profesor Martini e përgatiti ndeshjen vetëm për fitore. Ndryshim nga Longo ne sot ishim më shumë në sulm. Sot doja t’i jepja 3 pikë ekipit, por si ta ketë shkruajtur zoti. Nuk është synimi im që të shënoi, mjafton të fitojë ekipi. Laçin e kemi harruar, ndeshjen me Kukësin e mbyllëm në barazim tashmë do të shohim të ardhmen. Në transfertën e Egnatias do të shkojmë për 3 pikët, Teuta nuk shkon kurrë për barazim”, u shpreh Beqja.
-Pse mendon se ra loja në pjesën e dytë?
“Lodhja ishte një arsye, por dhe Kukësi nuk kishte shumë raste. Normalisht ndikoi dhe ana psikologjike, por duhet të stërvitemi për të shënuar pasi gabojmë shumë para portës dhe duhet ta punojmë këtë pjesë”, tha më tej lojtari i Teutës.
Lexo gjithashtu
