Skënderbeu fiton në Shkodër kundër Vllaznisë dhe merr përkohësisht kryesimin e Superligës, në pritje të ndeshjes Kukësi-Partizani që do të luhet nesër.
Korçarët fituan 1-0 kundër Vllaznisë falë golit të realizuar nga Latifi në minutën e 68-të.
Një ndeshje pa shumë emocione në fushën e lojës, por ajo që ka rëndësi për Skënderbeun është trepikëshi i marrë me shumë mund në një fushë të vështirë si ajo e “Loro Boriçit”.
Me këtë fitore, Skënderbeu shkon në kuotën e 47 pikëve në vendin e parë në tabelën e renditjes, kundrejt 46 që ka Kukësi, i cili nesër pret në shtëpi Partizanin.
Vllaznia-Skënderbeu 0-1
Shënues: Latifi 68′
Loading ...
