Barcelona ka përmbysur gjithçka ndaj Paris Saint Germainit për t’u kualifikuar në çerekfinale të Ligës së Kampionëve, pasi fitoi me rezultat të përgjithshëm 6:5
Kanë përfunduar takimet e sotme të Champions League. Borussia Dortmund ka mposhtur në shtëpi me goleadë ekipin e Benfikës duke kaluar në fazën tjetër me rezultat total të golave në dy takime 4-1
Në takimin tjetër një çmenduri e vërtetë ka ndodhur në "Camp Nou".
Kjo është hera e parë që një ekip ka arritur të kalojë tutje edhe pse në ndeshjen e parë ka pësuar 4 me 0.
Në një atmosferë të zjarrtë në “Camp Nou” Barcelona e nisi për mrekulli takimin, duke kaluar në epërsi qysh në minutën e tretë përmes Luis Suarezit. Më pas Kurzawa shënoi autogol për ta dyfishuar epërsinë e Barcelonës.
Në pjesën e dytë pesë herë fituesi i Topit të Artë, Leo Messi çoi rezultatin në 3 me 0, duke shënuar nga pika e bardhë.
PSG-ja arriti të ngushtojë epërsinë përmes Edinson Cavanit që shënoi në minutën e 62-të.
Më pas Neymar shënoi një eurogol nga gjuajtja e lirë, dhe një nga pika e bardhë për të barazuar rezultatin e përgjithshëm në 5 me 5.
Dhe kur të gjithë menduan se PSG-ja do të shkojë tutje, ishte goli nga Sergio Roberto në minutën e 90+5 që çoi Barcelonën në çerekfinale të Ligës së Kampionëve.
Çmenduri e vërtetë në shkallët e stadiumit. Lojtarë dhe tifozë kanë festuar sëbashku mes lotësh.
Lexo gjithashtu
