Është çështje orësh vendimi zyrtar për shtyrjen e kampionatit dhe klubet qëndrojnë në pritje për të vendosur se çfarë do të bëjnë me axhendën përgatitore. Burime për newsport.al bëjnë të ditur se së fundmi edhe Laçi ka dhënë OK-in për shtyrjen një javore të kampionatit duke e çuar në 9 numrin e skuadrave që kanë aprovuar. Vetëm Teuta ka zgjedhur të qëndrojë kundër rrymës dhe të kërkojë që Superliga të nisë në datën e përcaktuar.
FSHF ende nuk e kanë dhënë një vendim final, por të njëjtat burime për newsport.al bëjnë të ditur se sot do të përcaktohet shtyrja dhe starti i kampionatit në datën 28 janar, pavarësisht kundërshtimit të Teutës.