Komisioni i Apelit ka marrë sot vendim për të lënë në fuqi vendimin e Disiplinës që dënoi me 4 ndeshje pa tifozë ekipin e Partizanit.
Klubi i kuq kishte apeluar vendimin e Komisionit të Disiplinës, por edhe pas këtij veprimi nga ana e klubit kryeqytetas, Apeli nuk ka ndryshuar masën e pezullimit.
Partizani u dënua me 4 ndeshje pa tifozë pas ngjarjeve të ndodhura dy javë më parë në sfidën kundër Kukësit në transfertë.
“Ultras Guerrils” ndërkohë “thumbojnë sërish FSHF-në me postimin e radhës.
“E keni konfirmuar dhe e konfirmoni dita dites qe jeni nje institucion i korruptuar i njeanshem dhe i kapur. Merrni vendime anti-futboll sepse jeni antifutbolli vete !
Ne jemi shpirti i kesaj loje, e do jemi kundershtaret e sistemit tuaj trukues e te trukuar, denues por i padenuar, servil e dallaverexhi ! Do na denoni ne stadium por nuk do na denoni ne rruge me protesta e aksione ndaj padrejtesive tuaja ! Ne jemi UG ! Fear of the red!”, shkruhet në faqen zyrtare në “Facebook” të ultrasve.
Loading ...
