Çështja "Muzaka" kalon në CAS. Klubi i Tiranës e ka dërguar "konfiktin" me ish-mesfushorin në Gjykatën Sportive në Lozanë.
Një lajm i tillë u konfirmua pak minuta më parë në Supersport. Gjergji Muzaka fitoi gjyqin me Tiranën në Dhomën e Zgjidhjeve të Konfikteve për pagat e prapambetura, por klubi bardheblu pretendon se vendimi i dhënë në FSHF është i padrejtë.
Për këtë arsye, Tirana tashmë e ka çuar çështjen në CAS. I kontaktuar nga Supersport, Gjergji Muzaka u shpreh: "Nuk doja të shkonte deri këtu. Tirana ka të drejtën e saj ta çoj çështjen ku të dojë. Por, di të them se afati 21 ditor për të apeluar, tashmë i ka kaluar.
Unë kam angazhuar tashmë avokatin tim, i cili është më i miri në Shqipëri dhe do të vijojë ai të ndjekë këtë situatë.
Pse mua në CAS? Nuk mund t'i përgjigjem unë kësaj pyetje. Nuk kam asgjë personale as me presidentin e Tiranës dhe as me askënd te klubi bardheblu. Kërkoj vetëm djersën time.
Gol për hakmarrje? Nuk i bëj gjërat për hakmarrje. Jam ndier i respektuar te Tirana edhe pse nuk doja që të ndodhte siç ndodhi", tha Muzaka për Supersport.
Lexo gjithashtu
