Lajmi i fundit/ Policia nuk merr përsipër Partizanin, flet Genc Tomorri: Ja ku do luhet sfida me Vllazninë

Pas shkresës zyrtare të publikuar në newsport.al dhe pikëpyetjeve që qarkullojnë në orën e fundit për vëndin ku do të luhet ndeshja Partizani – Vllaznia, drejtori i të kuqve ka dhënë përgjigje pa preferuar të zgjatet. I kontaktuar nga newsport.al Genc Tomorri ka theksuar se destinacioni i takimit nuk ndryshon. “Është e vendosur, pavarësisht vendimit të policisë ndeshja do të luhet atje ku është përcaktuar, në stadiumin “Selman Stermasi”, është përgjigjur shkurt drejtori i Partizanit pas shkresës zyrtare të policisë ku përcaktohej se nuk do të jetë e mundur që ndeshja të garantohet.