Lajm i mirë për Ajetin te Torino

Arlind Ajeti do të marrë përsipër një detyrë jo edhe aq të lehtë te Torino. Kapiteni i ekipit aktual, Glick, me rolin qendërmbrojtës, u transferua te Monaco e Francës për një shumë rreth 11 milionë euro.

Arlind Ajeti duke pozuar me një tifoz të Torinos

Mediat në Torino thonë se mbrojtësi shqiptar Arlind Ajeti do të jetë në gjendje për të zëvendësuar atë, pavarësisht moshës së tij të re. Kjo është një detyrë shumë e vështirë, duke pasur parasysh faktin se Glick nuk ishte vetëm një mbrojtës i fortë, por edhe udhëheqësi shpirtëror i ekipit.

Ajeti nuk ka dyshime në aspektin teknik pas performancës së shkëlqyer në Seria A me Frosinone dhe në Euro 2016 me kombëtaren shqiptare. Drejtuesit e ekipit thonë se ky lojtar 23-vjeçar do ka pjekurinë e nevojshme për t’u bërë lider në sektorin e mbrojtjes. Ndërkohë Trajneri Mihajloviç do të forcojë sektorin e sulmit me dy lojtarë të rëndësishëm si Iago Falke dhe Adem Ljajiç që do transferohet nga Roma.