Teuta do të udhëtojë në Laç për t’u përballur me kurbinasit, takim i vlefshëm për javën e 3-të të Superiores. Një duel mjaft i rëndësishëm për të dyja ekipet që synojnë 3 pikët.
Durrsakët kanë një bilanc negative ndaj kurbinasve. Siç duket Laçi është “makthi” i “Djemve të Detit”. Në sezonin e kaluar bardhezinjtë ia kanë dalë të siguronë 4 fitore ndaj durrsakëve.
Një statistikë që këtë sezon Diego Longo do të mundohet të thyejë këtë “ters” që në sfidën e të mërkurës. Këtë sezon skuadrat kanë pësuar shumë ndryshime dhe pritet që të jetë një sfidë mjaft e luftuar.
Edhe Laçi edhe Teuta kanë vetëm nga një pikë, teksa do të synojnë fitoren në duelin mes tyre. Kujtojmë se durrsakët kanë një sfidë më shumë për të luajtur, për shkak se dueli i javës së parë me Partizanin është shtyrë për një moment të dytë.
Lexo gjithashtu
