Dita e sotme ka rezervuar 3 përballje mjaft interesante në kuadër të javës së 19-të të Abissnet Superiore. Nga Laçi, Durrës dhe Tiranë do të luhet për kreun e renditjes dhe për europën.
Gjithçka do të nisë me duelin mes Laçit dhe Teutës, takim që nis në orën 13:00 dhe është shumë i rëndësishëm për të dyja ekipet. Kurbinasit kërkojnë të jenë në garë për një vend në europë, ndërsa nga ana tjetër durrsakët duan t’i lënë bardhezinjë pas në renditje.
Në orën 19:00 do të luhet sfida mes Erzenit dhe Vllaznisë, nëj tjetër sfidë mjaft e luftuar. Shijakasit dhe shkodranët vijnë pas humbjeve në javën e kaluar dhe përballë njëra-tjetrës tashmë duan të rikthehen te fitorja. Çdo hap fals i ditës së sotme do të komplikonte gjërat.
Po në orën 19:00 do të luhet edhe sfida mes Partizanit dhe Egnatias. Demat nuk e njohin fitorne prej 3 javësh dhe sot në stadiumin e tyre kanë detyrim 3 pikët, ndërsa kanë shansin e artë për të shkuar -1 nga vendi i parë që mbahet nga Tirana pasi bardheblutë u mposhtën dje nga Kukësi.
Nga krahu tjetër edhe rrogozhinasit vijnë pas disa javësh pa fitore, të cilët sollën edhe shkarkimin e Shpëtim Duros, me drejtusit që emëruan në stol Edlir Tetova. Në rikthimin e tij te Rrogozhinasit Tetova do të kërkojë ta nisë me këmbën e mbarë, pasi në të kundërt rrezikohet edhe vendi i 4-të në klasifikim .
[caption id="attachment_678061" align="alignnone" width="300"]
Ndeshjet e sotme ne Abissnet Superiore[/caption]
Lexo gjithashtu
