Kupa e Amerikës, kualifikohen USA dhe Kolumbia

Kampionati Europian ka marrë gjithë vëmendjen e tifozëve, por interes ka edhe Kampionati i Amerikës, sidomos për tifozët e Brazilit dhe Argjentinës. USA, vendi organizator, është kualifikuar pas fitores 1-0 me Paraguajin, ku vuajti jo pak. Goli i fitores për amerikanët është shënuar nga Dempsey në pjesën e parë, ndërkohë që në fillim të pjesës së dytë skuadra mbeti me 10 vetë, pas daljes me karton të kuq (2 të verdhë) të Jedlin. Eshtë kualifikuar në Grupin A edhe Kolumbia, pavarësisht humbjes 2-3 me Kosta Rikën, një rezultat i papritur ky.