Trajneri i ri i Kukësit, Enkeleid Dobi nuk kërkon të humb kohë dhe po implmenton menjëherë idetë e tij të futbollit. Dobi kërkon të njohë më mirë lojtarët edhe pse deri tani e di pak a shumë kualitetin e verilindorëve prandaj detyra e tij për momentin është harmonizimi i grupit. Në stërvitje, tekniku durrsak i ka kushtuar vëmendje më të madhe fazës ofensive dhe ka provuar disa manovra.
Dobi pritet të ndryshojë edhe modulin duke hedhur në fushë 2 qendër sulmues. Në stërvitje është përdorur formacioni tradicional 4-4-2. Një lajm i mirë për 3 qendërsulmuesit, Daci, Zivkovic dhe Barbosa që tashmë duhet të luftojnë për 2 vende dhe jo 1 siç bënin me Gegën.
Kukësi luan ndeshjen e rradhës ditën e hënë përballë Partizanit në Kukës Arena në orën 15:00. Pas javës së katërt, verilindorët gjenden në fundin e renditjes ndërsa Partizani në fillim. Kukësi kërkon të dalë menjëherë nga kjo situatë dhe ndaj të kuqve do të provohet me çdo kusht fitorja.
Lexo gjithashtu
