Kukësi ka pasur një ecuri jo të mirë javët e fundit. Verilindorët në 4 ndeshjet e fundit kanë barazuar dy dhe kanë humbur dy, duke mos mundur të marrin asnjë rezultat pozitiv. Këto rezultate kanë bërë që ekipi i Hallaçit ta harrojë zonën europiane dhe të mendojë seriozisht mbijetesën në Superiore.
Tashmë ekipi gjendet vetëm 1 pikë larg zonës “Play-Out” dhe 3 pikë nga rënia një kategori më poshtë. Ndaj Kastriotit të dielën verilindorët do të kërkojnë kthimin te fitorja.
Krutanët janë të fundit në renditje pasi pësuan dhe një humbje përballë Bylisit. Tashmë rënia e tyre në Kategorinë e Parë është thuajse e sigurtë.
Kukësi është i etur për pikë dhe ndeshjet sa vijnë e bëhen më të vështira. Ndaj Kastriotit mund të jetë momenti i kthesës për ekipin e Hallaçit. Tekniku do të ketë dy mungesa të rëndësishme, si ajo e brazilianit Gabriel Barbosa për shkak kartonash dhe Abdu Mbarak pritet të mungojë për shkak dëmtimi.
Lexo gjithashtu
