Kukësi është skuadra që në 3 vitet e fundit fatkeqësisht nuk ia ka dalë të sigurojë një vend në Europë dhe rrjedhimisht nuk ka pasur të ardhura në arkat e tyre. Në fakt verilindorët kanë vuajtur edhe sa i takon shitjes së lojtarëve, duke bërë që të mos ketë përfitime në favor të tyre.
Gjithsësesi duket se më në fund do të ketë para që do të shkojnë në arkat e klubit dhe kjo falë dy lojtarëve kryesorë të ekipit. Atdhe Rashiti duket shumë afër transferimit te Ballkani i Ilir Dajës. Ky operacion pritet të kushtojë 150 mijë euro, pasi lojtari ka kontratë të vlefshme me verilindorët deri në vitin 2026.
Gjithashtu Abdou Mbarak do të kalojë në Turqi te skuadra e Adanaspor. Edhe ky transferim do të kalojë në arkat e klubit 150 mijë euro. Mesfushori ka kontratë të vlefshme me Kukësin deri në vitin 2025. Në këto kushte Kukësi do të përfitojë në total nga shitja e dy lojtarëve plot 300 mijë euro, shumë kjo që do të kënaqtë drejtuesit.
Lexo gjithashtu
