Kukësi do të udhëtojë sot në Laç ku do të përballet me kurbinasit në orën 13:00 në stadiumin e qytetit të Laçit për javën e 24-t të Kategorisë Superiore. Për verilindorët, tani e tutje çdo ndeshje është një finale por kjo e sotmja vjen ndaj një kundërshtari direkt teksa në rendijte i ndajnë vetëm dy pikë dhe ekipi i Hallaçit do të tentojë të kapërcejë bardhezinjtë për të dalë nga zona e Play Out-it.
Trajneri kuksian u ka tërhequr veshin ekipit për shënjestrën para portës teksa pret impenjim dhe fokus maksimal për të finalizuar rastet që te Kukësi krijohen shumë. E sotmja do të jetë një test force për kuksianët teksa një tjetër humbje do të ishte e rëndë për situatën ku ndodhen.
Formacioni i mundshëm:
Kukësi (4-2-3-1): Tafas; Dragoshi, Bytyçi, Lamçe, Ndreca; Sh. Taipi, Mbarak; Basa, Gj. Taipi, Owusu; Barbosa.
Trajner: Rraman Hallaçi
Lexo gjithashtu
