Kukësi ka mbyllur përgatitjet për sfidën me Erzenin, takim që do të luhet ditën e nesërme duke nisur që nga ora 13:00 në “Kukës Arena” dhe është i vlefshëm për javën e 17-të të “Abissnet Superiore”
Situata kohët e fundit te verilindorët nuk ka qenë aspak pozitive, por siç duket tashmë çdo gjë është lënë prapa krahëve dhe tashmë i gjithë fokusi është përqendruar te dueli me shijakasit.
Në stërvitjen e ditës së sotme lajmi i mirë është rikthimi i portierit Angelo Tafas, i cili ka lënë pas dëmtimin e pësuar dhe ka nisur përgatitjet me pjesën tjetër të ekipit.
“Skuadra ka mbyllur sot përgatitjet për ndeshjen e radhës në kampionat ndaj Erzenit, ndeshje e cila do të luhet ditën e nesërme në "Kukës Arena" duke nisur nga ora 13:00.
Me grupin është bashkuar në stërvitje edhe portieri Angelo Tafas i cili ka lënë pas dëmtimin e pësuar pak kohë më parë.
Ndaj Erzenit do të mungojë sulmuesi Gabriel Barbosa i cili u ndëshkua me karton të kuq ndaj Bylisit”, ka shkruar Kukësi.
Lexo gjithashtu
