Dueli mes Kukësit dhe Kastriotit do të luhet në “Kukës Arena” ditën e nesërme duke nisur që nga ora 13:00. Një finale e parakohshme për mbijetesë është cilësuar ky takim, pasi të dyja ekipet mbajnë dy vendet e fundit në klasifikim.
Te verilindorët shtohet presioni për të siguruar 3 pikët në këtë ndeshje, aq më shumë kur luhet në shtëpinë e tyre. Në fakt statistikat e këtij sezonit të ndeshjeve në shtëpi nuk kanë qenë “arma” plus e tyre. Në 10 takime, verilindorët kanë siguruar vetëm 10 pikë nga 30 të mundshme, më keq se çdo skuadër tjetër në Superiore. 3 fitore dhe 1 barazim janë shumë larg pritshëmrive dhe “Kukës Arena” egonuk konsiderohet më “fortesa” e tyre. Vlen të theskohet se 3 fitoret që kanë siguruar në shtëpi kanë ardhur pa pësuar gol, ç'ka do të thotë se duhet të tregohen të kujdesshëm të mos ndëshkohen.
Me ardhjen e Rrahman Hallaçit duket se kanë ndryshuar ngjarjet, pasi dy takime janë fituar pikërisht nga ish-kapiteni i kuksianëve. Hallaçi pas humbjes me Vllazninë do të kërkojë “kokën” e Kastriotit, pasi në të kundërt do të vështirësonin situatën për mbijetesën.
Lexo gjithashtu
