Menjëherë sapo u zyrtarizua te Kukësi, në rolin e drejtorit, pasi te Partizani doli i pavlefshëm, Dritan Dervishi u mori të kuqve sulmuesin shkodran Sindrit Guri. Por hakmarrja e ish-drejtorit të të kuqve nuk është mbyllur me kaq. Ai kërkon të bëjë goditjen e madhe dhe të marrë te Kukësi argjentinasin Agustin Torrasa, një nga më të mirët e Partizanit në gjysmën e dytë të sezonit që shkoi. Do të ishte vërtet një përforcim me shumë vlera për Kukësin dhe një humbje e madhe për Partizanin.
KONTRATA – Largimin e futbollistit argjentinas newsport.al e ka bërë me dije që dje, teksa vetë lojtari konfirmonte se nuk ka kontratë me Partizanin dhe se pas 7 korrikut nuk do të jetë më lojtar i tij. Tani që zbulohen fakte të reja në lidhje me të ardhmen e tij të mundshme te Kukësi, patjetër që do të ashpërsohet më shumë edhe lufta në distancë mes Dervishit dhe Partizanit.
Lexo gjithashtu
