“Normalisht jemi ende të mërzitur. 24 orë kanë kaluar, por ende e kemi në kokë golin e pësuar. Duhet të punojmë, kemi edhe pak kohë deri për Rumaninë”, kanë qenë këto fjalët e para në konferencën për shtyp të Kombëtares nga mbrojtësi Burim Kukeli.
[caption id="attachment_4517" align="alignleft" width="300"]
Lojtarët kuqezinj duartrokasin tifozët që i mbështetën në stadium[/caption]
Sa i përket lojës, ai përgëzon shokët për atë që kanë shfaqur në fushë, ndërsa thotë se kuqezinjtë mund dhe duhet të kishin marrë pikë në të dy takimet. “Kemi zhvilluar dy ndeshje shumë të mira dhe nuk i kemi merituar humbjet. Me Zvicrën luajtëm shumë mirë dhe mund të kishim marrë një pikë, me Francën të gjithë e dinë atë që ndodhi. Rumania nuk është një kundërshtar i lehtë, janë paraqitur mirë me Francën dhe Zvicrën. Tashmë duhet të tregojmë vlerat tona për të arritur një fitore. Nuk duhet ta kishim pësuar atë gol ashtu, me disa lojtarë kundërshtarë në zonë. Secili mbrojtës duhet të kishte markuar lojtarin e tij dhe Franca është një ekip i madh që nuk të fal. Kemi bërë disa gabime, deri në momentin e golit”, përmbyll lojtari gjakovar Burim Kukeli, i cili kërkon që skuadra të zhvendosë vëmendjen te takimi i fundit në grup, i cili është dhe shansi i artë për të kaluar në fazën e 1/8-ave në Europian.
Lexo gjithashtu
