Vllaznia ka arritur të fitojë ndeshjen e tetë radhazi në kampionatin e U-17. Ndeshja e radhës ishte ndaj Skënderbeut, e mbyllur me shifrat 2-0 e cila u zhvillua në “Reshit Rusi”.
Trajneri Gilman Lika, vijon të bëjë paraqitje të shkëlqyera me ekipin e tij duke arkëtuar fitore të njëpasnjëshme me Vllazninë U-17.
Në fjalën e tij Lika u shpreh me superlativa për dy sulmuesit e tij, duke i cilësuar si më të mirët në Shqipëri. Statistikat e faktojnë këtë gjë pasi dyshja e sulmit me produktivitetin e tyre mbajën Vllazninë në majën e renditjes.
Deklarata:
“Është vetë formula e kampionatit e tillë, me të gjitha ekipet shumë të forta. Lojtarët më të mirë janë përfshirë në këto 10 skuadra. Ndeshja nuk ishte e lehtë për t’u fituar, por gjithsesi falë mundit dhe sakrificës që kanë bërë këto djem, ia dolëm.
Gjë e vecantë humbja e rasteve të shumta. Jam shumë i lumtur që ekipi krijon raste. Pas pjesës së parë, ekipit i thashë se fitorja nuk ishte aq e rëndësishme sa mënyra e lojës.
Janë dy lojtarë të cilët në manovrën sulmuese bëjnë shumë mirë dhe unë nuk besoj se ka lojtarë më të mirë në Shqipëri se Ara dhe Kubazi, për sa i përket pjesës së sulmit”.
Lexo gjithashtu
