Shkupi luan nesër në orën 21:00 përballë Dinamo Zagreb. Kjo është ndeshja e kthimit, e vlefshme për turin e dytë të Champions League. Paraqitja e klubit shqiptar ka qenë mbresëlënëse gjatë sfidës në Kroaci, nga ku arritën të dilnin me barazim 2-2.
Trajneri i Shkupit ka folur gjatë konferencës së zakonshme për shtyp, në prag të ndeshjes. Ai tregon se beson te kualifikimi, por është e nevojshme mbështetja e publikut. Më poshtë mund të lexoni një pjesë nga fjala e tij.
“Pas asaj ndeshje që e luajtëm në Zagreb dhe rezultatit pozitiv që e kemi, nesër na pret një ndeshje e vështirë. Nuk duhet të mashtrohemi nga barazimi që morëm në Maksimir.
Gjatë gjithë javës në stërvitje në kemi dhënë maksimumin, dhe jemi të gatshëm për ndeshjen e nesërme.
Unë besoj në një fitore dhe kualifikim historik, por për ta realizuar atë na duhet mbështetja e publikut, dhe tifozëve tanë të cilët janë lojtari ynë i dymbëdhjetë”, u shpreh Goce Sedlloski.
