Përfaqësuesja e Kosovës do të përballet me Azerbajxhanin në datën 7 shtator, ndeshje e vlefshme për Ligën e Kombeve. Lojtarët kosovarë kanë nisur përgatitjet për këtë përballje. Pak ditë para sfidës, kanë folur disa nga lojtarët e kësaj përfaqësuesje. Ata kanë konfirmuar se janë gati dhe do tentojnë të marrin rezultat pozitiv pasi stërvitja po shkon shumë mirë.
"Kushtet për stërvitje janë të mira. Ekipi është mjaft mirë , po punohet me shumë përkushtim dhe unë besoj në rezultate të mira. Jam plotësisht i gatshëm për këto dy sfidat e para të Ligës së Kombeve. Do të japim maksimumin nga vetja duke qenë se vetëm si lider i grupit mund të kualifikohemi", u shpre Edon Zhegrova.
Nuk mund të mungonte fjala e Rashicës për pargatitjet që po zhvillon kjo përfaqësuese.
"Kemi punuar dje dhe sot dhe do të punojmë edhe në vazhdim në kushte jashtëzakonisht të mira që këto dy ndeshje të jenë në favorin tonë. Kemi ekip të mirë dhe vetë jam në gjendje të mirë psiko-fizike dhe goli që shënova këtë fundjavë për skuadër me ka motivuar edhe më shumë", kanë qenë fjlaët e Milo Rashicës.
"Jemi duke u përgatitur maksimalisht në kushte të mira. Atmosfera e punës është e mirë. Të gjithë e dimë rëndësinë e garës prandaj në së cilën ndeshje do të japim më të mirën e mundshme. Unë shpresojë se kemi gjasa jashtëzakonisht të mira për të ecur tutje", u shpreh lojtari tjetër kosovar, Hekuran Kryeziu.
"Përgatitjet po shkojnë mirë kjo është dita e dytë dhe do të kemi edhe dy stërvitje deri në ndeshjen kundër Azerbajxhanit dhe e dimë çfarë duam. Jemi plotësisht të përqëndruar dhe besojë se do të dalim fitues dhe jemi të vetëdijshëm që vendin i parë në grup shkon tej. Jam i gatshëm të jap kontributin tim maksimal", ka deklaruar lojtari tjetër i Kosovëës, Amir Rrahmani.
Lexo gjithashtu
