Kroacia është gjysmë finalistja e fundit e Botërorit "Rusi 2018" pas një ndeshje dramatike përballë vendasve në Soçi. Koha e rregullt përfundoi në barazim 1-1, ndërkohë që në shtesë pati dhe nga dy gola të tjerë, nga një për secilën skuadër, për ta çuar çështjen e kualifikimit në llotarinë e 11-metërshave, për herë të dytë rresht për të dyja ekipet.
Kroatët u treguan më të ftohtë, dhe portieri Subasiç u shfaq si një hero i dyfishtë për ta çuar vendin e tij në katër më të mirët e botës.
Në këtë mënyrë trajneri Zlatko Daliç hyn në histori, duke arritur të çojë një brez të artë lojtarësh në Kroaci po aq lartë sa edhe në epokën e Davor Shuker, në Botërorin e 1998-ës në Francë.
Kroacia do të ndeshet tashmë me Anglinë për një vend në finale, ku kushdo që do të arrijë të fitojë do të jetë një ngjarje historike respektive.
[gallery columns="1" size="full" ids="255309"]
Lexo gjithashtu
