Tirana ka mbyllur ditën e djeshme përgatitjet për ndeshjen shumë të rëndësishme ndaj Vllaznisë, sot në orën 18:00 në Loro Boriçi për javën e 30-të të Superiores. Bardheblutë kanë zhvilluar seancën e fundit nën drejtimin e trajnerit Shehi që sheh një grup të plotë të lojtarëve veç mungesës së Patrick që dihet tashmë.
Tekniku kampion ka përgatitur formacionin titullar që nuk ka nevojë për parashikime pasi Tirana e ka grupin e cunguar mes formacionit dhe stolit ndaj elementët nuk janë të shumtë. I vetmi balotazh është në mesfushë mes Deliut dhe Hilës që do të vendoset vetëm disa momente para sfidës.
Lajmi i madh për kampionët në fuqi është gatishmëria e Kristal Abazajt nga minuta e parë. Fizioterapisti Arzen Voci ka bërë të pamundurën për ta bërë të gatshëm sulmuesin dhe ia ka dalë sërish, ndaj 26-vjeçari pas dygolëshit kundër Egnatias kërkon viktimën e rradhës.
Formacioni i mundshëm:
Tirana (4-3-3): Bekaj; Tosevski, Najdovski, Behiratche, Përgjoni; Deliu (Hila), Aleksi, Lushkja; Hasani, Abazaj, Haxhiu
Trajner: Orges Shehi
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
