Mirza Alibegaj është zyrtarisht trajnere e kombëtares së Shqipërisë në basketboll për femra. Federata Shqiptare e Basketbollit ka vendosur që “timoneria” e ekipit të Tiranës të drejtojë përfaqësuesen kuqezi në kualifikueset e Evropianit që starton në nëntor.
Alibegaj është një emër i njohur në basketbollin shqiptar. Aktualisht drejton skuadrën bardheblu të femrave ndërsa më parë ka qenë në krye të kombëtares U-18. Shqipëria ndodhet në grup me Lituaninë, Serbinë dhe Turqinë. E për Alibegajn s’do jetë e lehtë. Megjithatë eksperienca që zotëron është një vlerë e shtuar për Kombëtaren tonë.
Loading ...
