Interi mori një barazim të çmendur në Camp Nou përballë Barcelonës në Champions League. Zikaltërit janë me një këmbë në fazën e 1/16 teksa ruajnë distancën prej 3 pikësh me katalanasit 2 ndeshje nga fundi. Pas ndeshjes, motorri i zikaltërve dhe autori i golit të parë, Barella foli për mediat.
Ndeshja - E dëshironim fitoren por karakteri që treguam sot duhet ta tregonim që në fillim të sezonit. Ne u futëm në fushë me entuziazëm.
Sa larg ikën ky Inter? - Nuk është fat por konfirmim i punës prej vitesh. Duam ta dërgojmë Interin sa më lart të mundemi. Ndeshja e sotme ishte fantastike.
Çfarë ndryshoi? – Ka periudha kur gjërat nuk shkojnë siç duhet dhe gjithcka të duket e vështirrë. Me ndihmën e shokëve dhe klubit, formuam një grup që bën të dalim nga këto momente. Gjëja më e rëndësishme është kjo fanellë, skuadra.
Lexo gjithashtu
