Parku Olimpik do të mbajë një koncert më 31 dhjetor për festat e fundvitit. Ambientet janë marrë me qera nga klubi i natës “Cinco Cavalli”. Shqetësime u ngritën për gjendjen e parketit, i cili pas festës së shfrenuar mund të dëmtojë rëndë atë.
Pas zhurmës së madhe që ky lajm krijoi, presidenti i KOKSH, Fidel Ylli ka reaguar për Newsport.al duke shpjeguar qendrimin e KOKSH në këtë çështje. Sipas presidentit, dhënia me qera e Parkut Olimpik nuk varet nga institucioni i tij por nga Bashkia Tiranë dhe APR (Agjencia e Parqeve dhe Rekreacionit).
"Parku Olimpik administrohet nga Bashkia. Komiteti Olimpik Kombëtar Shqiptar nuk ka asnjë lidhje", ka deklaruar shkurtimisht Fidel Ylli. Ndërkohë në një hulumtim të shpejtë, në websiten e Bashkisë vërehet neni që e vendos këtë Park nën administrimin e Bashkisë së kryeqytetit.
*Parku Olimpik është nën kujdesin dhe ruajtjen e APR (Agjencia e Parqeve dhe Rekreacionit).
Lexo gjithashtu
