Kombëtarja Shqiptare pas dështimit në Nations League do të fokusohet në “rimëkëmbjen” e ekipit për të arritur objektivat e vendosura. Në 26 tetor, Shqipëria ka përcaktuar një ndeshje miqësore me Arabinë Saudite në Arabi dhe trajneri Edy Reja duke u ndikuar edhe nga mungesat e shumta pritet të thërrasë në ekip shumë lojtarë të rinj apo ato që kanë kohë pa luajtur.
Lojtarë si Asllani, Broja, Hysaj apo Kumbulla do të mungojnë pasi janë të angazhuar me ekipet e tyre. Gjimshiti, Manaj, Ismajli janë të dëmtuar dhe do të kursehen edhe nëse rikuperohen. Në këtë mënyrë sytë do të hidhen te lojtarët që presin thirrjet e para në Kombëtare si Rroca, Papa, Lushkja, Muçi.
Redon Xhixha mund të jetë një emër nga Superiorja. Sulmuesi i Tiranës është padyshim lojtari i momentit në kampionatin shqiptar ndërkohë që Armando Sadiku mund të rikthehet pas formës fantastike në Spanjë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
