Largimi i lojtarëve kosovarë nga kombëtarja duket se ka zbehur tashmë dashurinë për të thirrur të tjerë në ekipin e parë, apo edhe në skuadrat zinxhir të Shqipërisë. Reflektimi duket se ka ardhur, ndërsa po bëhet hapja e rrugës për shqiptarët që luajnë jashtë apo edhe brenda vendit.
Kjo u pa në ndeshjen e fundit të kombëtares Shpresa kundër Italisë, ku lojtarët me origjinë kosovare nuk u thirrën, ndërsa fokusi ishte tek ata vendës. Por edhe në kombëtare po ndodh diçka e tillë, përpos atyre që janë thirrur më parë, pritet që të mos ketë të tjerë që do t'i bashkëngjiten kuqezinjve në të ardhmen.
Çdo gjë ka ndryshuar kurs, ku vendin e kosovarëve do ta marrin shqiptarët e Maqedonisë. Përpos Naser Alijit, i cili është thirrur te kuqezinjtë qysh prej më shumë se një viti, tashmë edhe një tjetër është mirëpritur. Bëhet fjalë për Jasir Asanin, sulmuesin e Vardarit, i cili i ka kërkuar FSHF-së që të përfaqësojë fanellën kuqezi, duke bërë që kjo e fundit ta pranojë menjëherë kërkesën e tij.
Kështu, edhe në të ardhmen pritet që të ketë të tjerë shqiptarë nga Maqedonia që do të veshin fanellën kuqezi. Sa iu përket atyre nga Kosova, FSHF-ja nuk dëshiron që të rrisë më vlerat e tyre si në të shkuarën dhe ata më pas të tradhtojnë për fanella të tjera, duke u bazuar te rastet e fundit.
Lexo gjithashtu
