Federata Rumune e Futbollit ka vënë një shpërblim goxha të majmë për lojtarët e saj, në rast fitoreje me Shqipërinë. Plot 1.5 milionë euro do të përfitojnë lojtrarët e Rumanisë, nëse arrijnë t’i mposhtin kuqezinjtë tanë në ndeshjen e fundit në grup, pasi një fitore e mundshme pritet të sjellë kualifikimin për më tej. 1.5 milionë euro është pikërisht gjysma e shifrës, që UEFA jep për skuadrat, që shkojnë në fazën e 1/8-ve. Federata Rumune e Futbollit e ka ndjekur praktikën e shpërblimeve edhe në eliminatoret e Europianit. Për këtë arsye Rumania nuk ka pësuar asnjë humbje në Grupin F dhe lojtarët e saj përfituan nga 60 mijë deri 200 mijë euro, sipas minutave të aktivizimit në fushë. Fitorja e kualifikon Rumaninë, ndaj dhe është vënë ky shpërblim i majmë për suksesin ndaj kuqezinjve.
Lexo gjithashtu
