Drejtuesit e klubit të Partizanit kanë vendosur shpërblim për lojtarët pas barazimit që morën ndaj Kuksit në stadiumin "Zeqir Ymeri".
Fitorja ishte vlerësuar me 1000 euro, ndërsa barazimi 500.
Skuadra e Partizanit ka pasur premio edhe për barazim në ndeshjen kundër Kukësit. Kjo ndeshje kishte rëndësi në lidhje me vazhdimësinë e ekipit dhe drejtuesit e kanë vlerësuar shumë këtë takim. Përpara takimit, drejtori sportiv Edmond Haxhija, i ka vendosur premion në dhomat e zhveshjes futbollistëve.
Ekipi ka patur edhe të tjera shpërblime të majme, por më shumë gjatë Kupave të Europës. Edhe në derbin kundër Tiranës klubi ka akorduar premio për lojtarët e kuq.
Futbollistët janë ende në pritje të premios së parë ndaj Tiranës dhe ndoshta premiot; si ajo për ndeshjen me Kukësin dhe ajo e derbit, do të merren njëherësh.
Lexo gjithashtu
